|
 |
Title: "SA PAGPUTOK NG BULKAN"
contributed by: jashead, January 17, 2007
"SA PAGPUTOK NG BULKAN"
BUMUHOS ang makapal na buhangin na nagmula sa pagputok ng bulkan at humalo ito sa hangin upang ikalat sa madasalin at mahabaging mamamayan na naninirahan malapit sa naturang bulkan. Payak ang pamumuhay ng mga tao sa paanan ng bulkan at likas sa kanila ang pagiging masayahin at pagka-maka-Diyos dahil sa halos araw-araw ay sama-sama silang nagtitipon para sa pananalangin sa kanilang mahal na poon.
BAWAT isa'y dumadalangin ng palagiang kapayapaan at kahit simple lang ang buhay nila'y nagkakaisa naman sila, walang naghaharing kaplastikan. Lahat ay dumadalo kapag idinaraos ang prusisyon para sa kanilang mahal na poon...hanggang isang matindi ang sikat ng araw ay biglang yumanig ang lupa na nagpagiba sa pawid nilang mga tirahan.
PUMALAHAW ang iyakan ng mga nagimbal na magulang pati na ng mga batang masunurin sa batas ng Diyos...nagbanta ang bulkan ng isang malakas na pagsabog dahil sa nahahandang paglabas ng usok. Iniwan ng lahat ang kanilang mga kasangkapan at balutan, sabay-sabay nilang tinahak ang lugar ng kinalalagyan ng mahal nilang poon.
GUSTO ng lahat na mahipo kahit man lang ang kuko ng poon na inaasahan nilang tutulong sa kanilang kapighatian...nagsiluhod at umusal ng panalangin ang mamamayan habang nakaharap sa rebulto. Lumagpak ang buhangin na ibinuga ng bulkan sa kanilang katawan, unti-unti silang tinatabunan ng buhay ngunit patuloy sila sa pag-usal ng dalangin at hindi sila nawawalan ng pag-asa na ililigtas ng minamahal na poon.
MALAGIM ang sumunod na pangyayari...patay lahat ang mga nagtiwala sa rebulto...
LUMIPAS ang mga taon, sa gitna ng mga buhangin ay may kung anong bagay ang natagpuan ng mga bagong residente ng lugar na malapit sa bulkan. Tulong-tulong na hinukay ng mga tao ang misteryosong bagay at hindi naglaon ay lumitaw ang anyo ng isang rebulto...kasunod ang pagyanig ng lupa ngunit hindi nila ito pinansin sa halip ay kanilang nilinis ang rebulto saka ginayakan ng magarang kasuotan na napapalamutian ng mahahaling hiyas pagkatapos ay ginawan ng isang dambana na may kandila sa kaliwa at kanan...
PINALIBUTAN nila ang poon ng sari-saring mahahalimuyak na bulaklak saka nilagyan ng korona sa ulo at ipinagbunyi ang mahal nilang poon, itinakda ang araw mg pista nito na nagdulot ng kagalakan sa madla, naglitson ng mga manok at matatabang baboy ang bawat tahanan na anupa't masasabing babaha ng mabubundat at marami ang gegewang-gewang sa tabinging kalye bunga ng espiritu ng alak...
NAGBANTA muli ng pagputok ang bulkan at ang ibinubuga nito ay hindi maunawaan ng nakararami...lahat ay may katapusan, kasama na ang pinaka-iibig nilang rebulto at ang anomang bagay na nakikita datap'wat nananatili magpakailanman ang hindi nakikita...
|
|
| reader's comments: |
gabriel @ January 19, 2007
wow, galeng!
- - - - - - - |
|
|
|
| Articles | Essays | Travelogue |Short Stories | Novelettes | Poetry | |
|
|
|
|
| Title |
Author |
Date Posted |
| Raven |
gabriel |
February 01, 2007 |
| KAYA! |
gabriel |
January 28, 2007 |
| Typie and Me |
ryan |
January 27, 2007 |
| In the Nick of Time |
gabriel |
January 25, 2007 |
| Isang Kuwento-Talambuhay |
iral_elman |
January 20, 2007 |
| Ang Mahiwagang Lunchbox |
gabriel |
January 18, 2007 |
| "SA PAGPUTOK NG BULKAN" |
jashead |
January 17, 2007 |
| Campus Hero |
gabriel |
January 16, 2007 |
| I Thank God That I Finally Found You |
gabriel |
January 10, 2007 |
| The Need for Tears |
zufladah |
January 08, 2007 |
| The Kennedy Saga |
gabriel |
January 05, 2007 |
| Linda's Lovely Day |
kalel0215 |
January 05, 2007 |
| You can do it |
gabriel |
December 30, 2006 |
| To Be Free |
kalel0215 |
December 27, 2006 |
| The POKEMON March |
pinch_hopper |
December 19, 2006 |
| Lala's 3-Hour Trip |
hazeey |
December 18, 2006 |
| Faces in the Hallway |
pinklady0122 |
December 16, 2006 |
| Si Ben...Nangarap |
kalel0215 |
December 08, 2006 |
| Mistaken Friendship |
pinklady0122 |
November 19, 2006 |
| bangungot... |
monfrei |
October 19, 2006 |
|
|
|
|
| |
ABOUT
